Transcription
1
Monsieur, jay receu celle quil vous a pleu mescripre
2
faisant mention de la mefiance que les huguenaulx ont
3
de Glandage, que je voudroys de bon cœur estre telle
4
quelle fust occasion de se despartir de leurs trouppes.
5
Ayant esté bien plus que joueulx scavoir la restraicte
6
de ceulx de France qui cestoyent eslevez, de quoy je ne
7
vous scaroys assez remercyer, esperant en Dieu puys que
8
leur entreprinze est descouverte, que ceulx de ce pays
9
panseront en leurs consiances. Et quand à la precedante
10
du quinzieme de ce moys je lay receue avec telle et
11
sy grande vollanté que, me honorant de tant que de
12
memployer non seullement pour le service du roy mays
13
le votre, je y exposerey oultre ce peu de bien que Dieu
14
ma donné tout le demeurant de mes jours ; et masseurant
15
questes assés adverty du lieu où presantement ilz peuvent
16
estre, ne vous en ferey aultre discours, mais vous dyrey
17
seullement que dedans Allex et le Montelligier il y a
18
bien peu de gens. Salluant en cest endroyt vous bonnes
19
graces de mes très humbles recommandations, en priant Dieu,
20
monsieur, vous donner en sancté, bonne longue et très heureuse
21
vye. De votre mayson de Montoyson, ce vingtiesme de mars
22
1574
23
Votre très humble et aubeissant
24
serviteur
25
Montoyson
26
Monsieur, je hoblyoys vous dire que
27
Glandage comme ses trouppes passoyent luy
28
huictieme se vindrent presanter pour entrer
29
ceans, mays ne masseurant du tout rien de
30
luy, ne permys lentrée que à luy tout seul,
31
et me tint bien peu de propostz. Car comme
32
je volluz commanser à luy remonstrer le
33
desplaizir que son père recepvoyt de luy,
34
print soubdaynement congé de ma femme et
35
de moy et bien maigre de sa seur.